ചെരാത്

നിന്‍റെ മോഹങ്ങള്‍, എന്നും ഒരു കൊടും കാറ്റായിരുന്നു. മറ്റുള്ളവരുടെ സന്തോഷത്തെപ്പോലും, കടപുഴക്കി,ദുഖങ്ങളെ അവഗണിച്ച്. നീ നേടിയതൊക്കെയും ഇന്ന് - നിന്‍റെ എതിരാളികള്‍. എനിക്കറിയാം,ഇപ്പോള്‍ നിന്നെ - മഥിക്കുന്നതെന്തെന്നു ? എന്‍റെ മോഹങ്ങള്‍ , എന്നും ഒരു മന്ദമാരുതനായിരുന്നുവല്ലോ?  നല്ലയോര്‍മയുണ്ട്, എനിക്ക് സ്നേഹിക്കാനും സ്വന്തമാക്കാനും അറിയില്ലെന്ന് നീയന്നു പറഞ്ഞില്ലേ? അത് നീയിപ്പോള്‍ തിരുതിക്കാണുമല്ലോ? എനിക്കുള്ളതൊക്കെ എന്‍റെതാവുകയായിരുന്നു. നഷ്ടപ്പെടലുകള്‍ ഇല്ലെന്നല്ല, ഞാനത് വിധിയെന്ന് വിളിക്കും. നീ അതും മറികടക്കാന്‍ ബലം പ്രയോഗിച്ചു. ഫലമോ?......... കാണെക്കാണെ,സൂര്യാസ്തമയവും നീ അടുത്തറിയുന്നു. വയ്കിയില്ലെന്നറിയുക , നഷ്ടപ്പെടലുകളില്‍ ചിലപ്പോള്‍ നേട്ടത്തിലേക്കുള്ള പടവുകളും, മറഞ്ഞിരിക്കുന്നുണ്ടാവാം.