മൗനം

 നീ അവൾക്ക് 

മരണം വിധിച്ചാൽ,

സന്തോഷത്തോടവൾ

കഴുത്ത്‌ നീട്ടിത്തരും.


അവളുടെയുള്ളിൽ,

നിന്നോടുള്ള പ്രണയം

മരണത്തിലുമവൾക്ക്

കൂട്ടായ്‌വരും.

വഴക്ക് പറഞ്ഞാൽ

ഒരിറ്റ് കണ്ണുനീര് കൊണ്ട്

അവളത് തുടച്ചു കളയും.


പക്ഷേ.. 

നിന്റെ മൗനം....

ഭാരമേറിയ നോവാണത്.

വാക്കുകൾ ഹൃദയത്തിൽ

അടച്ചിടുമ്പോൾ-

കുരുങ്ങിപ്പോകുന്നത്

അവളുടെയുള്ളിൽ

നീ പണിത സ്വപ്നങ്ങളാണ്.


ഹൃദയങ്ങൾക്കുള്ളിൽ

മറയായ് മാറുമീ മൗനം.

പിന്നെയാ മറ

നിത്യമാം മറവിക്ക് 

വഴിമാറും മുമ്പ്,

നിശബ്ദതയുടെ

വാതിൽ തുറന്ന്

അവളിലേക്കൊ-

ന്നൊഴുകി നോക്കുക.


വറ്റാത്ത

തെളിനീരൊഴുകും

പുഴയാണവൾ..

അനന്തസാഗരത്തി-

ലലിയും വരെ

ഒരിക്കലും ഗതിമാറാതെ

ശാന്തമാഴുകും പുഴ.





അഭിപ്രായങ്ങള്‍

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

ഉയിർത്തെഴുന്നേൽപ്പ്

കഥ. പരിണാമം