2021 ഫെബ്രുവരി 3, ബുധനാഴ്‌ച

മൗനം

 നീ അവൾക്ക് 

മരണം വിധിച്ചാൽ,

സന്തോഷത്തോടവൾ

കഴുത്ത്‌ നീട്ടിത്തരും.


അവളുടെയുള്ളിൽ,

നിന്നോടുള്ള പ്രണയം

മരണത്തിലുമവൾക്ക്

കൂട്ടായ്‌വരും.

വഴക്ക് പറഞ്ഞാൽ

ഒരിറ്റ് കണ്ണുനീര് കൊണ്ട്

അവളത് തുടച്ചു കളയും.


പക്ഷേ.. 

നിന്റെ മൗനം....

ഭാരമേറിയ നോവാണത്.

വാക്കുകൾ ഹൃദയത്തിൽ

അടച്ചിടുമ്പോൾ-

കുരുങ്ങിപ്പോകുന്നത്

അവളുടെയുള്ളിൽ

നീ പണിത സ്വപ്നങ്ങളാണ്.


ഹൃദയങ്ങൾക്കുള്ളിൽ

മറയായ് മാറുമീ മൗനം.

പിന്നെയാ മറ

നിത്യമാം മറവിക്ക് 

വഴിമാറും മുമ്പ്,

നിശബ്ദതയുടെ

വാതിൽ തുറന്ന്

അവളിലേക്കൊ-

ന്നൊഴുകി നോക്കുക.


വറ്റാത്ത

തെളിനീരൊഴുകും

പുഴയാണവൾ..

അനന്തസാഗരത്തി-

ലലിയും വരെ

ഒരിക്കലും ഗതിമാറാതെ

ശാന്തമാഴുകും പുഴ.





അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

മദ്രസ പ്രവേശനോത്സവ ഗാനം

പുതുമഴ വാനിൽ പെയ്തല്ലോ  അറിവിൻ പുലരി വിരിഞ്ഞല്ലോ..  ഉമ്മ തൻ മടിയിൽ നിന്നും നമ്മൾ  മദ്രസ തന്നിലണഞ്ഞല്ലോ.. (2) വിരുന്നു വന്നവർ നമ്മൾ  ഇവിടെ......